Þá er síðasti unginn floginn úr hreiðrinu. Jón Kristján útskrifaðist úr Menntaskólanum við Hamrahlíð þann 21. desember og um kvöldið var stúdents- og kveðjuveisla á Hjarðarhaganum. Myndin af systkinunum var tekin þá. Drengurinn flaug síðan til Kaupmannahafnar daginn eftir og hélt jól með kærustunni (sem heitir Louisa) og hennar fjölskyldu. Unga parið er að koma sér fyrir í íbúð á Vesterbro. Við vorum samt ekki bara tvö um jólin, jólagestir voru tvær Sigríðar (- Ósk og - Kristín) ásamt Mats frá Svíþjóð og Freyja var hér á aðfangadagskvöld með kisurnar Gutta og Tátu.